ΤΡΕΙΣ. ΑΓΑΘΗΜΕΡΟΣ. ARRIANI PERIPLUS PONTI EUXINI. GEOGRAPHICA. GRAECE ET LATINE ADDITIS H. DODWELLI, F. OSANNI ALIORUMQUE DISSERTATIO- F. OSANNO PROFESSORI GIESSENSI QUI CUM DE HUMANITATIS STUDIIS, TUM DE GEOGRAPHIA ET AMICO A. G. R. NAUMANNO PRAECEPTORI IN SCHOLA NICOLAITANA LIPSIENSI ET LECTORI BENEVOLO S. Arriani periplum Ponti Euxini aliorumque eiusdem argumenti libellos tres anonymos una cum iis libris, quos adhuc nomine Agathemeri omnes fere appellant, nunc edimus. De illorum periplorum interpretatione atque emendatione ante nos Ioannes Franciscus Gail filius bene meritus est, quamquam plura intacta reliquit. Nos quidem ea explicare atque emendare studuimus, sed non facile est sibi ipsi satisfacere, nedum aliis qui rem melius sciant. Gailius multum etiam eo praestitit, ut diligentissime indagaret, ubi et quomodo illi libelli de Ponto Euxino, re verbisque inter se aut congruunt aut differunt. Haec fecit et in notis et in praefatione, quas libellis adiecit atque praemisit. Quare et eiusdem notas omnes fere integras, et praefationem, in qua rem accuratissime pertractavit, repetendas esse duximus, ne aliquis quid desideraret, quod ad rem pertinet magnique momenti est, et haec omnia adiicere necesse esse persuasissimum nobis habuimus, quod volumen tertium editionis Gailii in Germania ignota fere est. Plura autem, quae huc spectant, nos in notis exposuimus, v. pag. 64. 66. 70. 73. 100 sq. 103. 104. 105 sq. 110. 111 sq. 114. 116. Quod iam Gailius vidit, nos hodie Arriani periplum Ponti Euxini non integrum habere, docent luculentissime Leo Diaconus atque nonnulli loci illius libri, qui Stephani Byzantini nomine superest. Haec quidem omnia Gailius inter testimonia de Arriano iam libello ipso praemisit, sed ea non ita perpendit, ut necesse fuisset. Leo Diaconus haec refert hist. IX. 6: Αρριανός γάρ φησιν ἐν τῷ Περίπλῳ, Σκύθην ̓Αχιλλέα τὸν |
